نیفرت ائدیرم من  بو شهردن

نیفرت ائدیرم من  بو شهردن

يورولدوم  آزار چكديم

درد چكديم آزار چكديم

آق گونلریمه قارا چکدیم

گوتورون مني بوردان ، گوتورون داغلار

بو شهر رنگ رنگدير

هره بير رنگ چالير

بيري ويجدانين ساتير

بيري سوزون دانير

بيري  حاقسيزجا – حاقلانير

بير حاقليجا – حاقسيزلانير

بيري آلچاقدير يئرسيز اوجالير

بيري اوجادير يئر سيز آياقلانير

بيري ديلسيز تاپتالانير !!

من بورالي دئييلم

بوراسي منيم دئييل

گوتورون مني بوردان ، گوتورون داغلار

ايتيرديم اوزومو – اوزلوغومو

ايتيرديم ائليمي ايتيرديم ديليمي

گوتورون گوده مي

قايتارين منه مني

قايتارين دوکولن منلیغیمی

قايتارين منه آنامدان اويرنميش ديليمي

قايتارين وطن آدلي بير مزارا مني !!!

من بورالي دئلييم- بوراسي منيم دئييل

گوتورون مني بوردان ، گوتورون داغلار

گوتورون داغلار 

 شاعیر : حیدر عبادی