هوشنگ جعفری زنگانلی -- شاعر زنجانی افتخار ترکان آذربایجان -- ترکان زنجان و مفاخر شهر زنجان
شاعر زنجانی افتخار ترکان آذربایجان
هوشنگ جعفری زنگانلی
را می توان یکی از محبوب ترین شاعران امروز آذربایجان دانست
شاعری که آوازه شهرتش از محدوده استان زنجان فراتر رفته ودرهمه کشورهای ترک زبان شناخته شده است . او که در سال 1337 در " قلمه جوق" زنجان به دنیا آمد و نقاش چیره دستی نیز به حساب می آید و تا کنون دومجموعه شعر به نامهای آغ آتیم و "گونش را منتشر ساخته و در تدارک سومین مجموعه از آثار خویشاست .پاییز 84 در همایش سه روزه شعر و هنر دانشگاه آزاد تبریز بنام جشنواره سردار ملی ستار خان جعفری مهمان ویژه جشنواره بود و بارها و بارها به تشویق هنر دوستان آذری برایشان شعر خواند . استاد جعفری هم اکنون مدرن ترین شعرهای ترکی را می سرایند که بسیاری از شاعران جوان آذربایجان از ابتکارات ایشان در شعر ترکی تاثیر پذیرفته اند از خدابرای ایشان آرزوی موفقیت دارم سه شعر هم از ایشان را در اینجا قرار دادم تا استفاده کنید.
گوزل زنگان
گوزل زنگان شهرلرین باشیدی
لعل و مرجان توپراغیدی داشیدی
ایران اوزوک زنگان اوزوک قاشیدی
سلام زنگان سلام آرزیم دیله گیم
سن اولماسان قدرت تاپماز بیله گیم
گزمه لیدی زنگان چله خانا سی
گورمه لیدی سولطانیه بناسی
آی قهرمان ایگیت لرین آناسی
سلام سیزه سلام سیزین ائلیزه
سلام گوزل گویچک تورکو دیلیزه
گوزل زنگان سنه اوره ک یانان یوخ
دردلریوی درک ائله ییب قانان یوخ
آنا یوردو سنی دوغرو سانان یوخ
باخانی وار اصفهانین کاشانین
یوخ کیمسه سی آنام یوردو زنگانین
اویرنجی لر گلیب بوردا یاشاللار
اوزلرینی دولدوراللار داشاللار
آتی مینیب دولاییدان آشللار
زنگان باخار گوزگوسونه اوزونه
یاش چیله نر چیلله خانا دوزونه
آچ قوللارین سال بوینوما جان کیمی
قوی چالیشیم داماریندا قان کیمی
ائل غمینده قلبیم اولوب شان کیمی
بیر شاعیرم اوره ک باغلی ائلیمه
چالیشیرام فرهنگیمه دیلیمه
یار آغلادی من آغلادیم
یارین بویون قوجاخلادیم یارآغلادی من آغلادیم
ییغشدی قونشولار بوتون جار آغلادی من آغلادیم
باشیندا قارلی داغلارا دانشدیم آیرلیق سوزون
بیر آه چکیب باشینداکی قار آغلادی من آغلادیم
طاریمدا نار آغاجلاری منی گوروب دانیشدیلار
بویومو زیتون اوشاخدی نار آغلادی من آغلادیم
ایله که اسدی بیر خزان تالاندی گوللیرم منیم
خبر چاتینجا بولبوله خار آغلادی من آغلادیم
اورک سوزون دئدیم تارا سیملر اولدی پارا پارا
یاواش یاواش سیزیلدادی تا آغلادی من آغلادیم
دئدیم کی حق منیم کی دیر باشیمی چکدیلر دارا
طنف سیخاندا بوینومو دار آغلادی من آغلادیم
جعفری یم بویوم بالا غم اورکده قالا قالا
یار جانمی آلا آلا یار آغلادی من آغلادیم
گونش
گوزومه سحرده چالان گونش/ گوزلیم قارادی سن اولماسان
بئله باخما ظاهیر اوزوم گولش/ اوره گیم یارادی سن اولماسان
قیناما منی او خومار گوزه/ من ازل باخاندا وروولموشام
اوز اوزومله سویله یرم هر گئجه/ بوعمور فنادی سن اولماسان
گئجه لر آغیردی یاتانمیرم/ سنی خاطیریمدن آتانمیرم
بیلمیرم بو عشقیمین آخیری/ باشیما بلادی سن اولماسان
گئدیرم دایان دانیشیم گئدیم/ یانیرام دانیش آلیشیم گئدیم
هانی کاروان قاریشیم گئدیم/ بورا غم سرادی سن اولما سان
گئجه اود توتور آلیشیر اوره ک/ دایاناندا من دانیشیر اوره ک
چاپالیر اسیر چالیشیر اوره ک/ ایشیم آه و وای دی سن اولماسان
وورولوب اودم اوره گیم سنه / یاشایش جهنم اولوب منه
منی گر بهشته ده سالسالار / یئنه یوخدو دادی سن اولما سان
دئمه آشنالر آتیب منی/ یادا ایشگیمنده ساتیب منی
منه کیم وفا گر ائیله ییر / ائله بیل جفادی سن
گئنه آرغین گئنه یورغون گئنه بیر غملی اؤره ک
یارالی قوش کیمی چیرپینمادادیر
گینه نیسگیلی اؤره ک یانمادادیر
کؤز گؤز اوسته قالانیر نئیله مه لی
آلیشیر دالغالانیر نئیله مه لی
سرمی نه آتا بیلدی نه آنا
گئدیرم چله خانا-چله خانا
من گرک یار یانان اودلاردا یانام
یار دئیب یار دولانام
نه روا عشقی دانام-من باها نغمه سیم
نغمه آدیم -گلمیشم عشق زلیخا یارادیم
هانی لیلی-هاتنی شیرین
قویام خسرتلی باشی دیزلرینه
بی باخام غمله دولان گؤزلرینه
دئیم عاشیق اودی اودلاردا یانا-
ننه دئیم چله خانا-چله خانا
گئدیرم دونیا بویو داردی منه
یانماسام عشق اودونا عاردی منه
آجیمیش عشقی شیرین لشدیره ره م
آیری دوشموش ائلی بیرلشدیره ره م
داغیت اؤلکمده دیسین قوشلاریمیز
اوخشاسینلار بیزی تای توشلاریمیز
قوی دیریلسین اؤلن احساسلاریمیز
من او غفلت جاداسین تاژلامادیم
یانمیان لامژا کیمی لاپلامادیم
نازلی یار گئدی ایاق ساخلامادیم
یار ائشیکدن اؤزون اودلاندیردی
من ایچیم یاندی منی یاندردی
سانما نغمه ال آیاق چالمادادیر
یارین عشقی جانیمی آلمادادیر
عشق سلطانی فرج وئرسه بیزه
سئل اولوب گؤز یاشی دؤنمز دنیزه
شیشه عمری چالیب سیندیرارام
عشق اوتوندا اؤزومی یاندیرارام
دولدوروب کاسه صبری جالارام
چیخارام داغلارا های های سالارام
نازلی یار گئتسه نه جور تک قالارام
ایسته ییر باشیمه دنیا دولانا
گئدیرم چیله خانا- چیله خانا
وامقین جاندان گئچن عذراسی یام
من یانان مجنونیمین لیلاسی یام
نغمه والاسی یام عاشق شیداسیام
عشقیده فرهاد وشیرینن باشام
اصلی یه عشق عالمینده یولداشام
کیم بوکر دونیا باغین باغچاسینا
کیم بوکر عشقی عاقیل بوغچاسینا
سانما یین عشق اؤلوبدیر دیریدی
نغمه عاشیق سیراسینان بیریدی
تاپارام عشقیمی هر یئر ده اولا
قویمارام تک دولانیب رنگی سولا
ایندی کی گئتمه لی یم هر نه اولا
عشق دریادی عاقیل قطره سیدی
نغمه نین سون سسی عاشیق سسی دی
منه دونیاده ااشز عشقیم بسیدی
سؤیله مندن گنه بیر غملی سلام
سئودیگیمنن منی آیری سالانا
گئدیرم چله خانا- چیله خانا
سن آغیر داغ کیمی داغلار باشیسان
بیر عوموردور سینه ده غم داشیسان
سن کی زنگانیلارین یولداشیسان
بیر چیغیر بلکه یاتانلار اویانا
گئدیرم چله خانا-چله خانا
به امید منتشر شدن کتابهای دیگر از استاد
منابع : www.hoshangjafari1336.blogfa.com
به زودی ان شالله مقاله ای در مورد استان زنجان ومفاخر شهر زنجان در این وبلاگ به نمایش گذاشته خواهد شد